Nettverket for europeiske gardsysteri

I byrjinga av mai var det nettverksmøte for europeiske gardsysteri i Extremadura i Spania. Hovedtema for møtet var regelverk for småskala mjølkeforedling og korleis fleksibiliteten i dette kan nyttast for å lage trygge produkt i økonomisk berekraftige verksemder. Fullstendig referat frå møtet kjem i neste nummer av GardsOsten. Ein "smakebit for auget" frå ein berømt ost frå området - Torta del Casar - finn du her.

Rapport om Listeria

Sluttrapport for Nofima sitt prosjekt om Listeria i småskala osteproduksjon er kome. Rapporten inneheld mange gode råd om forebyyggande tiltak og kontroll med Listeria, samt fleire artiklar frå prosjektet. Les rapporten her

SLF sin statistikk over mjølk til lokal foredling i 2011 er klar

Det er registrert ei auke på 84 000 liter frå 2010 til 2011 i lokal foredling av geitmjølk. Tendensen har snudd frå nedgang til auke samanlikna med året før. Total mengd kumjølk bruka til lokal foredling er 200 000 liter meir enn i 2010. Les meir på SLF

Landsutstillinga for gardsost

Du kan lesa om landsutstillinga for gardsost i Stavanger oktober 2011 på den gamle heimesida vår. Der finn du Landsutstillinga i menyen til venstre.

Nettverket for europeiske gardsystarar held møte i mai

Velkomen til det fjerde møtet i det europeiske nettverket for gardsostystarar og den europeiske kongressen “Mattryggleik i småskalaysteri”. I byrjinga av mai blir det fjerde møtet i det europeiske nettverket for gardsostystarar heldt i Zafra (Extremadura, Spania). Dette året vil ein samle produsentar, rettleiarar og tilsynsfolk frå europeiske land til eit felles mål: å dele kunnskap og samarbeide om mattryggleik i småskala ysteri. Sjå her for informasjon og påmelding. Ta kontakt med oss om du vil vera med, for planlegging av felles reise.

Regelverk for småskala mjølkeforedling

Her finn du dei viktigaste forskriftene som regulerer mattryggleik og merking av produkt frå småskala mjølkeforedling.  
Lov om matproduksjon og mattrygghet mv. (matlova). .Lova som ligg til grunn for alle matforskriftene.
Hygieneforskrifta Gjeld alle verksemder, inneheld ein nsajnal del og sjølve EU-forordninga H1
Animaliehygieneforskrifta Gjeld m.a. mjølkeforedlingsverksemder, inneheld ein nasjonal del og sjølve EU-forordninga H2. Artikkel 1-7, samt vedlegg II og vedlegg III avsnitt IX er om mjølkeforedling
Animaliekontrollforskrifta Reglane for korleis Mattilsynet skal arbeide, inneheld ein nasjonal del og sjølve EU-forordninga H3
Mikrobiologiske kriterie for næringsmidler Grenseverdiar for innhald av uønska mikroorganismar og tiltak viss ein har for mykje av dei
Drikkevassforskrifta Inneheld krava som blir stilt til vatn som skal brukast til drikkevatn og vassforsyning til foredlingsverksemder
Merkeforskrifta Krav til kva merking som skal brukast på produkta
Lotmerkingsforskrifta Krav om merking slik at ein kan knytte ei vare attende til produksjonsparti
Matlovsforskrifta Forskrift om almenne prinsipp og krav i næringsmiddelregelverket. Krav om å kunne spore varer att og fram i verdikjeda
Tilsetningsstofforskrifta Definisjonar på ulike typar tilsetjingsstoff, sjølve lista over tilsetjingsstoff finn du på www.mattilsynet.no
IK-mat-forskrifta Krav om internkontroll i verksemdene. Må sjåast i samanheng med krav om HACCP i hygieneforskrifta.
Matkontaktforskrifta Inneheld krava som stillast til emballasje og overflater som skal vera i kontakt med mat
Mjølkevareforskrifta Om klassifisering og merking av ulike konsummjølktypar
Osteforskrifta Om tilvirking, merking og omsetning av ost
Smørforskrifta Om tilvirking, merking og omsetning av smør og smørfett

Statens landbruksforvaltning og kvotereglar

Ved lokal foredling av mjølk, skal ein søkje om fritak frå overproduksjonsavgift, samt rapportere inn omsetning for berekning av avgifter og tilskot. Ny forskrift om kvoteordninga for mjølk tredde i kraft 1. januar 2012, og ho finn du her. SLF har laga ei kortfatta oppsummering av kva det nye regelverket betyr i praksis, ho finn du her. Ein god oversikt over reglane som gjeld om kvote, tilskot, omsetning og liknande finn du i Rundskriv 44/11 frå SLF. Informasjon finn du hjå SLF.